Asteburu honetan, Euskalherriko junior, promesa eta absoluto txapelketa ospatu ziren Faduran.

Txapelketa honetara gure taldeko 3 igerilari junior joan ziren; Pablo Cazalis, Aitor Hernandez eta Maria Cazalis.

Pablo Cazalis igerilari juniorrak zilarrezko 3 domina lortu zituen absoluto mailan. Lehenengoa 100 libre estiloan atera zuen 52.81 denborarekin. Proba hau Mikel Bildosolak  irabazi zuen 51.75 denborarekin. Beste zilarrezko domina 50m tximeleta estiloan izan zen 26.35 denborarekin, eta irabazlea Mikel Peñagarikano izan zen. Azkeneko domina 50m libre estiloan atera zuen 24.18 denborarekin. Proba honetan ere Mikel Bildosola izan zen garaile( 23.64). Pablorentza txapelketa hau, testa ona izan zen hemendik 2 astetara ospatuko diren estatu mailako txapelketarako.

Bestalde, Aitor Hernandez juniorrrak 100 eta 200 bizkar estiloan parte hartu zuen. 200 metrotan txukun igeri egin eta gero, 2.19.93 denboran geratu zuen kronoa (lehen 2.22)  eta bizkar estiloa berea dela nabarmendu zuen. Zoritxarrez, 100 bizkar estiloan epaileek deskalifikatu egin zuten.

Maria Cazalis juniorra, abduktoreetatik lesionatuta joan behar izan zuen txapeketara, eta 50 eta 100. libre eta 50m tximeleta  probeetan igeri egin zuen. Pentsatzen genuen bezala, denborak kaxkarrak izan ziren Mariarentzat eta ezin izan zuen bere denboretan ibiltzerik izan.